фото: gov.kz

Қалада иесіз жүрген ит пен мысық санының көбеюі – құтыру ауруының таралу қаупін арттырады. Осындай жануарлар көктем айларында агрессивті болып, адамға шабуыл жасауы мүмкін. Құтырған жануар адамды тістеп, тырнап немесе сілекейі арқылы жұқтырады. Ауру қоздырғышы – РНҚ құрамды рабдовирус – орталық жүйке жүйесін зақымдап, көбіне өліммен аяқталады.

Құтыру қалай жұғады?

– Құтырған жануардың тістеуі, тырнауы немесе сілекейі арқылы;

– Жабайы аңдармен байланыста болған иттер мен мысықтар арқылы;

– Вирус жұққан жануармен тікелей жанасукезінде.

Құтырудың адамдағы белгілері:

• Ауру 1-3 күн ішінде үрей, қорқыныш, әлсіздік, бас ауруы, жоғары дене қызуымен басталады;

• Ұйқысыздық, түс көру, мазасыздық;

• Су мен жарықтан қорқу (гидрофобия, фотофобия), ауа қозғалысынан шошу(аэрофобия);

• Жұтыну қиындығы, сілекей ағу, қатты тершеңдік;

• Галлюцинациялар, сандырақтау;

• Ауру тыныс алу мен жүрек тоқтауымен аяқталуы мүмкін.

Алдын алу шаралары:

• Жарақат алған жағдайда дереу медициналық мекемеге жүгініп, құтыруға қарсы вакцина (антирабикалық егулер) алу қажет;

• Жараны сабынды сумен мұқият жуып, йодпенөңдеу ұсынылады;

• Вакцинация курсы толық аяқталуы тиіс, ал осы кезеңде ішімдік ішуден, ауыр дене еңбегінен және суықтаудан аулақ болу керек;

• Ит, мысық сияқты үй жануарларын ветеринариялық тексерістен өткізіп, уақтылы вакцинациялау – аурудың алдын алудың сенімді жолы.

Егер адамды тістеген жануар тірі болса – ол 10 күн бойы ветеринарлық бақылауда болуы тиіс. Солуақытта адамға 3 мәрте вакцина тағайындалады. Ал егер жануар жоғалса не өлсе – 5 мәрте вакцина салынады.

Балаларды үй жануарларынан аулақ ұстап, күдікті жағдайда дереу мамандарға хабарласыңыз. Ауру жануарды өлтірмей, байлап ұстаған жөн – бұл диагностика үшін маңызды.

Есіңізде болсын! Сіздің денсаулығыңыз – өз қолыңызда. Құтыруға қарсы екпе – тегін!

Гүлнәз КАДИРОВА,

Облыстық жұқпалы аурулар

ауруханасы балалар жұқпалы

аурулар – 2 бөлімінің аға мейіргері

 

Өзге де жаңалықтарды оқу үшін Telegram арнамызға жазылыңыз!