Қазақстан Республикасы Денсаулық сақтау министрінің 2022 жылғы 26 маусымдағы № ҚР ДСМ-67 бұйрығымен жаңа «Коммуналдық мақсаттағы объектілерге қойылатын санитариялық-эпидемиологиялық талаптар» санитариялық қағидалары бекітілді, деп хабарлайды Санитариялық-эпидемиологиялық бақылау комитеті.
Бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.
Осы күннен бастап «Коммуналдық мақсаттағы объектілерге қойылатын санитариялық-эпидемиологиялық талаптар» санитариялық қағидаларын бекіту туралы» Қазақстан Республикасы Ұлттық экономика министрінің 2015 жылғы 3 наурыздағы № 183 бұйрығының күші жойылады.
Жаңа санитариялық қағидалар:
1) коммуналдық мақсаттағы объектілерді орналастыруға, күтіп-ұстауға, пайдалануға қойылатын;
2) қонақүй қызметін көрсететін объектілерге, моншалар мен сауналарға, шомылу-жүзу бассейндеріне, аквапарктерге қойылатын;
3) кір жуу орындарына, химиялық тазалауға қойылатын;
4) халыққа косметикалық және шаштараздық қызмет көрсету объектілеріне қойылатын;
5) спорттық-сауықтыру және мәдени-ойын-сауық объектілеріне қойылатын;
6) жаппай демалу орындарына, қоғамдық дәретханаларға қойылатын;
7) шектеу іс-шараларын, оның ішінде карантинді енгізу кезеңінде коммуналдық мақсаттағы объектілерге қойылатын санитариялық-эпидемиологиялық талаптарды қамтиды.
Өзге де жаңалықтарды оқу үшін Telegram арнамызға жазылыңыз!