Денсаулық сақтау министрлігі балаларды қызылшаға қарсы вакциналау жоспарымен бөлісті, деп хабарлайды Кazinform.
Фото: freepik.com
«Халықтың арасында қызылшаның таралуын болдырмау үшін қосымша жаппай иммундау шарасы басталды. Иммундауға, бірінші кезекте, 6-11 ай аралығындағы нәрестелер жатқызылды. Желтоқсан айынан 2 жастан бастап 4 жас 11 ай 29 күн аралығындағы балаларды бұған дейін қызылшаға қарсы екпе алғанына қарамастан, иммундау өтеді. Сондай-ақ қызылшаға қарсы екпесі жоқ медицина қызметкерлерін вакциналау жоспарланған», – деп жазылған ведомствоның редакция сауалына жолдаған жауабында.
Министрлік мәліметінде балаларға жоспарлы екпе жасау көрсеткіштеріне ай сайын мониторинг жасалып отыр. Сондай-ақ мектепке дейінгі білім мекемелеріндегі балаларды кемінде 90 пайыз екпемен қамту бағытындағы жұмыстар күшейтілген.
Өзге де жаңалықтарды оқу үшін Telegram арнамызға жазылыңыз!