Қылмыстың қалған сыбайластарына қатысты сотқа дейінгі іс жүргізу аяқталуға жақын.
ҚМА жүргізген жұмыстардың нәтижесінде «B2B Jewelry» қаржылық пирамидасының 197 салымшысына 123 млн теңге қайтарылды. Бұл туралы Қаржылық мониторинг агенттігі хабарлады.
Еске салайық, Агенттіктің Алматы қаласы бойынша департаменті «B2B Jewelry» зергерлік дүкендер желісінің атын жамылған қаржы пирамидасының қызметін ұйымдастыруға қатысты сотқа дейінгі тергеуді аяқтады.
«Сот үкімімен қаржы пирамидасын ұйымдастырушы кінәлі деп танылып, ол 5 жыл мерзімге қаржылық қызметпен айналысу құқығынан айырумен 6 жыл 8 айға бас бостандығынан айырылды.
Қылмыстың қалған сыбайластарына қатысты сотқа дейінгі іс жүргізу аяқталуға жақын», – делінген хабарламада.
#қаржыпирамидасы #алаяқтық
Өзге де жаңалықтарды оқу үшін Telegram арнамызға жазылыңыз!