Фото: istockphoto.com
Бүгін, 16 тамыздан бастап, докторантураға түсу емтихандары басталды, деп хабарлайды Azattyq Rýhy.
Докторантураға түсу емтихандарына 3577 адам қатысады. Емтихан бүгін басталып, 21 тамызға дейін жалғасады.
Жалпы, түсу емтиханының ең жоғары көрсеткіші 100 балл, оның ішінде әңгімелесу – 30 балл, эссе – 20 балл, бейіні бойынша емтихан сұрақтары – 50 балл. Ал мемлекеттік білім беру тапсырысы бойынша конкурсқа қатысу үшін және ақылы негізде докторантураға түсу үшін шекті балл – 75 балл.
«2024 жылдан бастап түсушілердің бейіні бойынша докторлар бағдарламасы бойынша докторантураға түсуге мүмкіндіктері бар. Бұл бағдарлама үшін шет тілін меңгергенін растайтын сертификаттың белгілі бір деңгейі талап етілмейді. Сондай-ақ, бейіні бойынша докторлар бағдарламасы бойынша түсушілер емтихан барысында эссе жазбайды. Ең жоғары көрсеткіш – 80 балл, оның ішінде әңгімелесуге – 25 балл, кәсіпорындар мен ұйымдардың ұсыныс хатына (болған жағдайда) – 5 балл және бейіні бойынша емтихан сұрақтары – 50 балды құрайды. Шекті балл – кемінде 50 балл», – делінген министрлік хабарламасында.
Түсу емтиханының нәтижелері оны өткізгеннен кейін келесі күні жарияланады. Биыл 2,7 мыңнан астам грант бөлінген.
Өзге де жаңалықтарды оқу үшін Telegram арнамызға жазылыңыз!