Жер сілкінісі Астана, Алматы, Шымкент қалалары, ШҚО, Жамбыл, Жетісу, Алматы және Қарағанды облыстарында сезілді.
Фото: Qumash.kz
Қырғызстан мен Қытай шекарасында орналасқан түнгі жер сілкінісі Алматы мен Шымкенттен бөлек, Астанада және Қазақстанның бес облысында сезілді, деп хабарлайды Skifnews.kz ақпарат порталы.
Жер сілкінісі Астана, Алматы, Шымкент қалалары, ШҚО, Жамбыл, Жетісу, Алматы және Қарағанды облыстарында сезілді.
Төтенше жағдайлар министрлігінің хабарлауынша, 23 қаңтарда Астана уақыты бойынша сағат 00:09-да (қайталанып Алматыда сағат 00:42-де – 2 баллдық және 01:36-да сезілмей) Алматы қаласынан оңтүстік-шығысқа қарай 264 км жерде эпицентрі Қырғызстан мен Қытай шекарасында орналасқан жер сілкінісі тіркелді.
Алматы – 5 балл, Шымкент – 2 балл.
ТЖМ Дағдарыс жағдайларында басқару орталығының базасында Төтенше жағдайлар министрі генерал-майор Сырым Шәріпхановтың басшылығымен азаматтық қорғау қызметтерін тарта отырып, жедел тәртіппен ТЖ жою жөніндегі республикалық жедел штаб құрылып және жұмыс істеуде, – делінген хабарламада.
Бұл штабтарда ТЖМ психологтарын тарта отырып, жедел желі телефондары жұмыс істеп тұр.
ТЖ министрінің тапсырмасы бойынша күштер мен құралдар жоғары дайындыққа келтірілді.
Республиканың қалалары мен облыстарында зардап шеккендер мен қираулар туралы ақпарат түскен жоқ. Қырғызстан және Өзбекстан ТЖМ кезекші қызметтерінің ақпараты бойынша аталған республикаларда да жер сілкінісі тіркелген, – делінген хабарламада.
Өзге де жаңалықтарды оқу үшін Telegram арнамызға жазылыңыз!