Ел арасындағы бра­коньерліктің алдын алу­ға, фауна түрлерін сатуға және өткізуге маманданған қыл­мыстық топтардың қыз­метін анықтап, олармен күрес жүргізу  мақсатында «Киік» табиғатты қорғау акциясы басталды.

       Ауқымы кең жоба Ақмола, Ақ­төбе, Атырау, Жамбыл, Ба­тыс Қазақстан, Шығыс Қазақ­стан, Қарағанды, Қостанай, Қызыл­орда, Маңғыстау, Павлодар және Солтүстік Қазақстан облыс­ы аумағында жүргізіледі. Акцияға «Охот­зоопром ӨБ» кәсіпор­нының Жа­нуарлар дүниесін қорғау қыз­метінен 224 инспектор, 68 жол талғамайтын көлік, 23 қар­да жүргіш техникасы, 2 бір­лік «Берлога» вагоншалары (ОӨФ, БӨФ) жұмылдырылады. Сондай-ақ «Охотзоопром ӨБ» бастамасымен ерекше қор­ғалатын табиғи аумақтар мен Жануарлар дүниесін есептеу және мониторинг бөлімдерінен инс­пекторларды тарту жоспарлануда.

        Айта кетейік, былтыр киіктерді заңсыз атудың 47 бра­коньерлік фактісі анықталып, 641 ұша мен 284 киіктің мүйізі тәркіленген. Нәтижесінде табиғат ресурстарына келтірілген шығын 3,3 млрд теңгені құраған. Осындай мәселенің алдын алуды көздейтін акция 31 желтоқсанға дейін жалғасады.

 

Өзге де жаңалықтарды оқу үшін Telegram арнамызға жазылыңыз!