Ақтауда үш жасар баласының өлтірді деп айыпталған ана сегіз жылға бас бостандығынан айырылды, деп хабарлайды Stan.kz ақпарат агенттігі mangystaumedia.kz басылымына сілтеме жасап.
«Қалалық соттың 10 маусымдағы үкімімен абайсызда жәбірленушінің өліміне әкеп соққан денсаулыққа қасақана ауыр зиян келтірді деп айыпталған сотталушы И.-ға қатысты қылмыстық іс қаралды», – деп хабарлады Ақтау қалалық сотының баспасөз қызметі.
Әйел қылмыстық құқық бұзушылық жасағаны үшін кінәлі деп танылды. Ол 8 жылға бас бостандығынан айыру жазасын орташа қауіпсіздіктегі қылмыстық-атқару жүйесі мекемесінде өтейді.
Ведомствоның мәліметінше, сотта анасының соққысынан балада гематома пайда болғаны анықталған. Бала ішінен алған қатты соққының нәтижесінде көз жұмды.
Сотта айтылғандай, әйел қызын ұрып-соғып, итеріп жіберген, соның салдарынан қыз үстелдің бұрышына соғылған. Содан кейін әйел жұдырығымен баланың ішінен бірнеше рет соққы жасаған. Содан анасы үйден шығып кеткен, ал сәби екі жарым сағаттан кейін алған жарақатынан қайтыс болды.
Әйел «Денсаулыққа қасақана ауыр зиян келтіру» бабы бойынша сотталды.
Өзге де жаңалықтарды оқу үшін Telegram арнамызға жазылыңыз!