Әскерге барғандар ЖОО-ға емтихансыз түсе алады, деп хабарлайды El.kz ақпараттық агенттігі.
Алматының жігіттеріне ерекше жағдай жасалды. Бұдан былай әскери борышын өтеген алматылықтар ЖОО жеңілдікпен, яғни ҰБТ тапсырмай-ақ түме алады. Алматы қаласы Алмалы ауданының Қорғаныс істері жөніндегі басқармасының бастығы полковник Айдар Мүсірепов, мерзімді қызмет сарбаздары үшін жоғары оқу орындарына түсу кезіндегі көктемгі әскерге шақыру және жеңілдіктер туралы айтты.
azattyq-ruhy.kz сайтының хабарлауынша, шақырту 1 наурызда басталып, 30 маусымға дейін жалғасады. Бүгінгі таңда Алматыдан 760 жігіт әскери қызметшілер қатарын толықтырды.
Әскери қызмет туралы Заң мен ҚР Президентінің Жарлығы негізінде азаматтарды мерзімді әскери қызметке шақыру жүргізіледі. Алматы қаласынан мерзімді әскери қызметке кейінге қалдыруға құқығы жоқ 3000 адам әскерге шақырылады. Денсаулық жағдайы бойынша жарамсыздар шақыру тізіміне кірмейді. Қазіргі уақытта мерзімді әскери қызмет өткеретін 760 адам әскерге шақырылды, – деді спикер.
Оның мәліметінше, әскерилер үшін Қорғаныс министрлігі жоғары оқу орындарына түсу бойынша жеңілдіктер жасап отыр. Олар әскери қызмет өткерген және орта мектепті бітіргені туралы аттестаты немесе техникалық, кәсіптік, орта немесе жоғары білімнен кейінгі білімі туралы құжаты бар адамдарға қатысты.
Қызметін аяқтаған сарбаздар ақылы негізде ҰБТ-ны есептемегенде жоғары және жоғары оқу орнынан кейінгі білім беру мекемесіне түсу құқығына ие болады. Мерзімді әскери қызмет кезеңінде жауынгерлік даярлықта жоғары нәтижелерге қол жеткізген қосалқы (запасқа шығарылған) үлгілі жауынгерлерге ҰБТ-сыз, сонымен қатар ЖОО есебінен де оқу құқығы беріледі.
Оқуға түсу кезінде әскери кафедра емтихансыз тегін білім ала алады. Іріктеу мерзімді әскери қызмет атқарған және қызмет барысында жақсы нәтиже көрсеткен әскери қызметшілер қатарынан өткізіледі, – деді ол.
Жастарға жеңілдіктер алу үшін ХҚКО-ларда берілетін мерзімді әскери қызметті өткеру туралы анықтаманы және әскери билеттің көшірмесін қоса отырып, ЖОО-ға құжаттардың тізімін ұсыну жеткілікті.
Бүгінде еліміз бойынша 3 мыңға жуық грант бөлінді. Бұл бастамаға 70-ке жуық ЖОО қосылды, олардың ішінде:
– Әл-Фараби атындағы Қазақ ұлттық университеті (ҚазҰУ).
– Сәтбаев атындағы Қазақ ұлттық техникалық зерттеу университеті (ҚазҰТЗУ).
– Қазақ ұлттық аграрлық зерттеу университеті («Қазұазу»КЕАҚ).
– Халықаралық ақпараттық технологиялар университеті (ХАТУ).
– Логистика және көлік академиясы (ЛжКА).
– Әуезов атындағы Оңтүстік Қазақстан университеті (ОҚМУ).
– Оңтүстік Қазақстан мемлекеттік педагогикалық университеті (ОҚМПУ).
– Серікбаев атындағы Шығыс Қазақстан техникалық университеті (ШҚТУ).
-Жәңгір хан атындағы Батыс Қазақстан аграрлық-техникалық университеті (БҚАТУ).
– Досмұхамедов атындағы Атырау университеті (АтУ).
– Торайғыров университеті (ToU).
– Сафи Өтебаев атындағы Атырау Мұнай және газ университеті және тағы басқалары.
Айдар Мүсіреповтың сөзінше, бұл мүмкіндіктер жастардың әскерге деген қызығушылығын оятады. Белгілі болғандай, қолданылатын шаралар өте ауқымды. Мысалы, несиесі бар мерзімді қызмет сарбаздары «несиелік демалыс» деп аталатын үзіліс алады, қызмет ету мерзімі барысында төлеу кейінге қалдырылады. Жаңа жоба Қорғаныс министрлігінде бастау алды. Бұл ведомствоның пікірінше, мерзімді әскери қызмет өткерудің беделін арттырады.
Фото: El.kz
Өзге де жаңалықтарды оқу үшін Telegram арнамызға жазылыңыз!