Танымал хитмен Қайрат Нұртастың анасы Гүлзира Айдарбекова ұлына демеу беріп, ақылын айтты. Бұл туралы Stan.kz ақпарат агенттігі хабарлайды.
©instagram.com/gulziraaidarbekova
“Алма ағашы көптеп салған сайын иіледі. Халқың құрметтеген сайын иіл, ұлым! Осы қарапайымдылығыңнан, саған деген жүрегі махаббатқа толы халқың тұрғанда, сен биіксің, ұмытпа! Екі дүниеде де разымын, құлыным”, – деп жазды Гүлзира Айдарбекова.
Оның бұлай деуіне “Алла да, халық та тәкаппарларды сүймейді. Халықпен дүниеден өткенде артыңда қалған жұрт жоқтайтындай қарым-қатынас жаса” деген сөздер себеп болды.
Айта кетейік, бұған дейін Қайрат Нұртас театр өкілінің анасына ауыр сөз айтып, көңіліне тигені туралы айтқан болатын.
Өзге де жаңалықтарды оқу үшін Telegram арнамызға жазылыңыз!