Ұлытау облысында Жаңаарқа ауданында «Қазақмыс Корпорациясы» ЖШС-нің Жомарт кенінен үйінді астынан жеті қызметкердің де денесі табылды. Бұл туралы Stan.kz ақпарат агенттігі хабарлайды.
Іздестіру-құтқару жұмыстары барысында «Қазақмыс корпорациясы» ЖШС-ға тиесілі кеніштен жеті қызметкердің денесі табылды. Соңғы табылған кеншінің жеке басы анықталып жатыр.
“Мерт болған жеті жұмысшының денесі жоғарыға көтеріліп, сот-медициналық сараптама жүргізу үшін полиция қызметкерлеріне тапсырылды”, – деп мәлімдеді ТЖМ.
ТЖМ жедел штабының «жедел желісіне» 23 қоңырау келіп түскен.
Алдын ала мәліметтер бойынша, «Қазақмыс» корпорациясының кеніштері үшін тән емес табиғи газдың жарылысы болған. Оқиғаның мән-жайы мен себептері анықталып жатыр. Қайғылы жағдайды тергеу үшін арнайы мемлекеттік комиссия құрылды.
«Қазақмыс корпорациясы» ЖШС трагедияның барлық мән-жайын анықтау үшін көмек көрсететінін мәлімдеді.
Өзге де жаңалықтарды оқу үшін Telegram арнамызға жазылыңыз!