Әйелдер үшін қауіпсіз елдер рейтінгінде Қазақстан көрсеткіші төмендеді. Есепті Джорджтаун Әйелдер, бейбітшілік және қауіпсіздік институты екі жылда бір рет шығарады. Бұл туралы Ranking.kz жариялады, деп хабарлайды “Адырна” ұлттық порталы.
Әйелдер үшін бейбітшілік пен қауіпсіздіктің жаһандық индексіне сәйкес, 2023 жылы ең нашар елдер Таяу Шығыс пен Африка мемлекеттері болды.
Төмен ұпайдың негізгі факторлары – ана өлімінің жоғары деңгейі, білім деңгейінің төмендігі және зорлық-зомбылық деңгейінің жоғарылауы. Әйелдер үшін ең нашар елдер Ауғанстан (0,286 ұпай) және Йемен (0,287 ұпай) болды.
Тізімге сонымен қатар ОАР (0,378 ұпай), Конго (0,384 ұпай), Оңтүстік Судан (0,388 ұпай), Бурунди (0,394 ұпай), Сирия (0,407 ұпай), Эсватини (0,415 ұпай), Сомали (0,417 ұпай) және Ирак (0,424 ұпай) кірді.
Қазақстан өз позициясын нашарлатты: 59-шы орыннан бірден 70-ші орынға төмендеді, ал индекс 0,761-ден 0,729-ға дейін азайды. ОА және ЕАЭО мемлекеттерінің арасында Қазақстаннан жоғары Армения (0,772 балл), Ресей (0,752 балл), Беларусь (0,733 балл) және Түрікменстан (0,75 балл) орналасқан.
Қазақстаннан төмен Тәжікстан (0,69 балл), Өзбекстан (0,674 балл) және Қырғызстан (0,673 балл) тұр.
Өзге де жаңалықтарды оқу үшін Telegram арнамызға жазылыңыз!