Жаңа оқу жылы қарсаңында 5547 әскери бөлімінде «Мектепке жол» республикалық акциясы өткізілді. Игі бастаманың негізгі мақсаты – әлеуметтік қолдауды қажет ететін және көпбалалы әскери қызметшілердің отбасыларына көмек көрсету, балаларды жаңа оқу жылына дайындау.
Іс-шара барысында бөлімнің ТжӘҚЖ бөлімшесінің және әйелдер кеңесінің ұйымдастыруымен бірқатар әскери қызметшілердің көпбалалы отбасыларына оқу құралдары табысталды.
Бұл қайырымдылық шарасы – жас ұрпақтың білімге деген құштарлығын арттырып, олардың алдағы оқу жылын көңілді әрі сенімді бастауына үлкен демеу болмақ.
Бөлім командирі подполковник Беркенов Жасұлан Нұрланұлы акция барысында балаларға сәттілік тілеп:
– «Білім – адам өміріндегі ең басты қазына. Балаларымыздың оқуға деген ынтасын қолдап, олардың жарқын болашағына үлес қосу – бәріміздің борышымыз» – деп атап өтті.
Жақсылық БЕРІКҰЛЫ, лейтенант
Өзге де жаңалықтарды оқу үшін Telegram арнамызға жазылыңыз!