«Құқықтық медиа орталығының» директоры Диана Окремова авто-мектептердің мәселесін көтерді, деп хабарлайды BAQ.KZ тілшісі.
Жақында Сенатор Марат Қожаев жүргізуші куәлігін алу тәртібін қатаңдатуды ұсынды. Оның айтуынша, еліміздегі жол-көлік оқиғаларының қорқынышты статистикасы жүргізушілердің төмен деңгейде дайындалуынан туындап отыр. Ол мұны авто-мектептердің сапасыз жұмысы деп түсіндіріп, қазір жүргізуші куәлігін алу тым оңай деген пікір білдірді.
Алайда, “Құқықтық медиа орталық” қоғамдық ұйымының директоры Диана Окремова мәселе авто-мектептерде емес, сыбайлас жемқорлықта жатқанын алға тартады. Оның айтуынша, елімізде жүргізуші куәлігін алу қиын емес – оны сатып алу тіпті оңай.
Мүмкін, Қожаев мырза бұл туралы білмейтін шығар, бірақ мәселе авто-мектептерде емес, біздің жеңілмейтін сыбайлас жемқорлықта. Жүргізуші куәлігін алу оңай емес – оны сатып алу өте оңай! Оның үстіне, жасырын жолдарды іздеудің қажеті жоқ – “көмекшілердің” байланысын 2ГИС қосымшасындағы АвтоЦОН-ға жазылған пікірлерден-ақ таба аласыз! – дейді Окремова.
Оның сөзінше, қазір жүргізуші куәлігін алу үшін небәрі 220 мың теңге жеткілікті. Бұл қызметті ұсынатындар құжатты бірнеше сағатта, ең көбі бір күн ішінде дайындап береді.
Қызығып, жүргізуші куәлігінің “бағасын” сұрастырып көрдім: 220 мың теңге екен. Бар болғаны бірнеше сағатта, ең көбі бір күнде жасап береді. Қызмет емес, нағыз ертегі! – дейді ол.
Қоғам белсендісі авто-мектептердің сапасын қатаңдатудың еш мәні жоқ екенін айтады. Себебі жүргізуші куәлігін емтихансыз-ақ сатып алуға болады.
Ал енді авто-мектептердің сапасы туралы сөз қозғаудың не мәні бар, егер 220 мың теңгеге үйден шықпай-ақ жүргізуші куәлігін ала салсақ? Депутат не үшін және кімге талапты қатаңдатпақшы, егер бәрі сатылып, бәрі сатып алынып жатса? – дейді Диана Окремова.
Өзге де жаңалықтарды оқу үшін Telegram арнамызға жазылыңыз!