Коллаж: Kazinform
KAZINFORM – Еліміздің солтүстік өңірлерінде көлік жүргізушілері қыс мезгіліне сай доңғалағын ауыстыруды бастап кетті. Осы орайда Kazinform тілшісі шинамонтаж шеберлерінің қызметі неше теңге тұратынын анықтап білді.
Мамандар қазірден-ақ көліктің дөңгелегін ауыстырып, қысқа дайын болған жөн деп отыр. Бұл тек ақшаны емес, уақытты үнемдеуге мүмкіндік береді.
Жазғы және қысқы дөңгелектің айырмашылығы — оның химиялық құрамы ыстық және суық ауа температурасына лайықталып жасалғанында. Жазғы дөңгелек қатты, нығыз болады. Шіліңгір ыстықта асфальтта формасын жоғалтпайды. Тежегішті шұғыл басқан сәтте сол қасиетінің арқасында балқып кетпейді.
Ал, қысқы доңғалақтар үскірік аяздарда қатып қалмай, өзінің жұмсақ күйін ұстап тұра алады. Бұл өз кезегінде тежегішті басқанда, доңғалақтың тайып, жол үстімен сырғи бермей, жылдамдықты тез бәсеңдетуге мүмкіндік береді.
Айтып өтейік, ҚР заңнамасында 1 желтоқсан мен 1 наурыз аралығында көлік иелері қысқы мезгілге арналған дөңгелекті пайдалануы керек деп көрсетілген. Егер талапты ескермесе, Әкімшілік құқықбұзушылық туралы кодекстің 590 бабы 5 бөлігінде көрсетілген 5 АЕК (18460 тг) көлемінде айыппұл төлейді.
Өңірлерде дөңгелек ауыстыру қызметінің құны белгілі болды.
Өзге де жаңалықтарды оқу үшін Telegram арнамызға жазылыңыз!