«Қызылорда ОПД ЕҚҚІҚБ 
тарапынан жарияланған байқауға»

Баяғы бір заманда бір ауылдың балалары дос болыпты. Бірі Ержан өте пысық,көңілді және барлығына көмектескісі келетін. Бірақ Ержан басқа достарынан ерекше болғысы келіп,қызық нәрселерді іздейтін.

Бір күні ойнап жүріп орманға келеді.

Алдынан түлкі шығады.

– Қорықпа,кішкентай досым.Мен барлық тәттілердің,әдемі хош иісті гүлдердің иесімін дейді.

Егер сен мына әдемі гүлді иіскесең,көп тәтті беремін, сен өте батыр,басқа достарыңнан күшті боласың, – дейді.

Ержан ойланып қалады.

– Рас па?Менің осылай болғым келеді,бірақ иісі жаман екен. Маған зиян тигізбей ме?

– Ештеңе етпейді! Бұл саған тек жақсы әсер береді, өзіңді күшті, ерекше сезінесің, – деді әлгі түлкі алдап.

 Ержан бұл сөздерге сеніп, әдемі гүлді иіскеп тәттілерді алғысы келді.Бірақ дәл осы сәтте оның досы Марат жүгіріп келеді.

– Тоқта, Ержан!Бұл – жаман гүл!Ол өте қауіпті,оны иіскегендер ауырып қалады,–деді досы.

Ержан таңданып:

– Неге олай дейсің?Түлкі оның пайдалы екенін айтты ғой, – деп сұрады.

Досы басын шайқап:

– Бұл түлкі көптеген адамдарды алдап,ауруға шалдықтырды. Оның иісі денсаулықты бұзады,ал түлкі тек өтірік айтады, – деді.

Ержан ойланып:

– Егер мен бұл  гүлді иіскесем не болатынын білмеймін. Бірақ досымның айтқаны рас сияқты.Мен денсаулығымды бұзғым келмейді, – дейді.

Ержан бұл гүлді иіскеуден бастартады.

 Әлгі түлкі ашуланып:

– Сен үлкен мүмкіндіктен айырылдың! – деп айқайлайды да,кетіп қалады.

Марат досына қарап:

– Өте дұрыс жасадың, досым! Мұндай нәрселерге сенбе. Әдемі болып көрінгенімен,зиян тигізуі мүмкін, – деді.

Олар  полиция бөлімшесіне барып, түлкінің әрекетін айтып береді. Полиция қызметкерлері түлкі ұсынған гүлдің есірткі екенін түсінеді. Бұл туралы балаларға айтып, оларды сақтандырады.Есірткіден аулақ болу – әр адамның денсаулығы мен болашағы үшін маңызды таңдау екенін, есірткінің қауіпті екенін түсіндіреді.

Сол күннен бастап Ержан күмәнді заттарға жақындамайтын болады. Достарымен бірге болып, қызықты әрі қауіпсіз өмір сүрудің қаншалықты құнды екенін түсінеді.

Жаңғали Расул Ренатұлы
Қызылорда облысы Қазалы ауданы
Ыбырай Алтынсарин атындағы №204 орта
мектебінің оқушысы

 

Өзге де жаңалықтарды оқу үшін Telegram арнамызға жазылыңыз!