Алда өтетін сайлау барысының ашық және заң талаптарына сәйкес өткізілуіне қоғамдық мониторинг жүргізу мақсатында құрылған байқаушылармен жұмыс және өзара іс-қимыл жөніндегі облыстық штаб жетекшісі Жандос Тұсмағамбетов шетелдік байқаушылармен және бірқатар қоғамдық ұйым жетекшілерімен сайлауалды кездесулер өткізді.
Ж.Тұсмағамбетов Еуропадағы қауіпсіздік және ынтымақтастық жөніндегі ұйымның (ОБСЕ) ұзақ мерзімді байқаушылары Инго Бютнер (Германия) және Оствальд Андреймен (РФ) кездесті. Екі азаматта ЕҚЫҰ құрамындағы елдерде өткен сайлау барысына байқаушы ретінде қатысқан білікті сарапшылар. Кездесуде Ж.Тұсмағамбетов шетелдік байқаушыларды облыстық штабтың жұмыс барысымен таныстырып, өзара пікір алмасты.
Сайлау күні облыста 376 сайлау учаскелерінде қоғамдық байқаушылар сайлау барысына мониторинг жүргізетін болады. Қоғамдық байқаушылардың қатарында қоғамдық ұйымдардың белсенді азаматтар мен өкілдері бар. Олардың қатары күн санап артып келеді.
Сондай-ақ, 2020 жылғы 22 желтоқсан күні облыстық штаб төрағасы «Қызылорда облысының Үкіметтік емес ұйымдарының Альянсы Ассоциациясы» заңды тұлғалар бірлестігі жанындағы үйлестіру кеңесінің мүшелерімен кездесті. Кездесуге қатысушылар алдағы сайлаудың ашық және заңнамаға сәйкес өткізілуіне қоғамдық ұйымдар тарапынан мониторинг қалай жүргізілетіндігі туралы пікір алмасты.
Өзге де жаңалықтарды оқу үшін Telegram арнамызға жазылыңыз!