Қасым-Жомарт Тоқаев Үкімет отырысында сауда, ауыл шаруашылығы және экология министрлеріне сөгіс жариялады, деп хабарлайды Stan.kz ақпарат агенттігі.
Президент сауда және интеграция министрі Бақыт Сұлтанов пен ауыл шаруашылығы министрі Ербол Қарашөкеевке елдегі қант бағасы мен тапшылығына байланысты сөгіс жариялады.
«Ауыл шаруашылығы министрлігі қант қызылшасының үлесін 2026 жылға қарай 6 есеге – 7-ден 43%-ға дейін өсірмекші. Алайда соңғы 4 жылда қант қызылшасының аумағы 3 есеге қысқарған. Біз қазір қант импортына 90%-ға тәуелдіміз. Мұнда Еуразия экономикалық одағының шешіміне сілтеуге болады, дегенмен қандай жағдай болмасын бұл – үкіметтің үлкен қателігі. Демек біз мемлекет мүддесін қорғай алмадық. Сондықтан министрлер Бақыт Смағұлов пен Ербол Қарашөкеевке сөгіс жариялаймын», – деді президент.
Ал экология министрі Серікқали Брекешевке киіктерді атуға қатысты асығыс шешім қабылдағаны үшін сынға алып, сөгіс жариялады.
«Бұл соңғы шешім емес. Аталған мәселеге кәсіби тұрғыдан қарау керек. Қаржы бөлінді. Алайда бұл маңызды міндет әлі орындалмады, сылтау көп. Бұл ретте, біліктілік жоқ па, әлде қасақана орындалмай отыр ма? Орындаушылар үшін түбі жақсылыққа апармайтынын ескертемін. Бұл, ең алдымен, тиісті министрлікке, сондай-ақ басқа да министрліктерге қатысты. Министрге сөгіс жариялаймын”, – деді Тоқаев Үкімет отырысында.
Өзге де жаңалықтарды оқу үшін Telegram арнамызға жазылыңыз!