Қазақстанда атылған киіктерді шетелге сату жоспарлануда. Бұл туралы Stan.kz ақпарат агенттігі хабарлайды.
Фото: freepik.com
Ұсыныс авторы экология министрлігінің мәліметінше, киіктерді және мүйізін сату үшін халықаралық ұйымдардан рұқсат алу керек.
«Қазір халықаралық нарықта киікті, оның ішінде мүйізін коммерциялық пайдалануға нөлдік квота бар. Халықаралық сарапшылардың ұсыныстары бойынша министрлік киіктерді республикадан тыс жерлерге сату үшін квота алуға қажетті құжаттарды дайындап, CITES хатшылығының қарауына ұсынады», – делінген экология министрлігінің хабарламасында.
Министрлік мәліметінше, әлі құжаттарды дайындау басталмаған, CITES конвенциясы сессиясының отырысы тек 2025 жылы өтеді екен.
Атылған ақбөкендердің мүйіздері сақтау үшін «Охотзоопром» РМҚК мамандандырылған ұйымының бас кеңсесіне жіберіледі.
Өзге де жаңалықтарды оқу үшін Telegram арнамызға жазылыңыз!