Көрнекі фото: pixabay.com
KAZ.NUR.KZ. Қазіргі таңда интернеттегі букмекерлік кеңселердің жарнамасына тыйым салу мәселесі талқылануда. Соның аясында «Қазақстандық сайттарға букмекерлік кеңселерді жарнамалауға тыйым салынса, YouTube пен букмекерлер жарнамасы бар шетелдік сайттар жабыла ма?» деген сұрақ туындайды.
Қазақстанда букмекерлік кеңселердің жарнамасына тыйым салу мәселесі қызу талқылануда – сәуірде мәжіліс депутаттары ойынға тәуелділікпен күресуге бағытталған заң жобасын мақұлдады.
Дегенмен, сарапшылардың ойынша, интернетте букмекерлік кеңселердің жарнамасына тыйым салу туралы сөз қозғағандардың бәрі не проблеманың мәнін түсінбейді, не ашық популизммен айналысуда. Ал ұсынылып отырған шаралар тек қазақстандық ресурстардағы арнайы жарнамаларға тыйым салуға бағытталған.
Неліктен тыйым салу мәселені шешпейді
Қазақстанда онлайн-казиноларды жарнамалауға тыйым салынған, бұл біздің елде көп қаралатын шетелдік сайттардағы мұндай тыйым салынған контенттің жарнамалануына кедергі келтірмейді. Ал заңсыз онлайн казинолардағы отандастарымыздың шығыны да жүздеген миллион теңгемен бағаланады.
Неліктен депутаттар мұнымен жылдар бойы күреспеді, заңсыз онлайн-казинолардың жарнамасын қалай шектеу керектігін ойламай, шетелдік сайттарды шектеуді ұсынбады, енді тек Қазнетпен күресуге бел буды?
YouTube-ке тыйым салына ма
Букмекерлік кеңселердің жарнамасын көрсетуге тыйым салынатын ресми жарнама арналарынан басқа, азаматтарға ақпаратты жеткізудің басқа да құралдары бар. Сондықтан тағы бір маңызды сұрақ туындайды: Қазақстандағы ең танымал сайт YouTube-ке қатысты қандай шешім қабылданады?
Нақты жағдай: жақында YouTube желісінде танымал букмекерлердің біріне жарнамалық мақсатта түсірілген және миллиондаған қаралым жинаған ресейлік әнші MORGENSHTERN-нің видеосы жарияланды. YouTube-ке де, MORGENSHTERN-ге де Қазақстанда қабылданған заңды шектеулер жүрмейді.
Ал бұл мәселе қалай шешілмек?
Қазақстандық медиа букмекерлерді жарнамалай алмайды, бірақ MORGENSHTERN сияқтылар қазақстандық БАҚ бұрын алған ақшаны ала ала ма?
Осы платформаларда белсенді түрде жарнамаланатын YouTube, VK, Telegram, TikTok сайттарындағы ресейлік букмекерлерді жарнамалауға қандай шаралар қабылданады? Шамасы, депутаттардың өздерінде де жауап жоқ, дәлірек айтсақ.
Басқа шаралар қажет
Шетелдік платформалар мен сайттардағы таңдаулы контентті тиімді бұғаттау мүмкін емес.
Сонымен қатар қазіргі уақытта интернетте букмекерлерлің жарнамасынан гөрі қазақстандықтарға кері әсер ететін көптеген деструктивті құбылыстар (шетелдік БАҚ-тағы насихат, порнография, «ақпараттық соғыстар» және т.б.) бар. Бірақ мұны түбегейлі шараларсыз шектеу мүмкін емес.
Сондықтан сарапшылар букмекерлердің Интернеттегі жарнамасын шектеу бастамалары құмар ойындарға тәуелділікті ауыздықтауға көмектеспейді деп қорытындылады. Бұл жай ғана қазақстандық компаниялардан түсетін ақша ағындарын шетелдік компанияларға бағыттайды, яғни интернеттегі жарнаманы шектеу елге тек зиян келтіреді.
Өзге де жаңалықтарды оқу үшін Telegram арнамызға жазылыңыз!