Қызылорда облысының оқу орындары арасында есірткіге қарсы пантомима челлендж – байқауын Қызылорда облысы Полиция департаментінің Есірткі қылмысына қарсы іс-қимыл басқармасы ұйымдастырып, жастардың есірткіге қатысты теріс көзқарасын қалыптастыру, салауатты өмір салтын насихаттау және жас ұрпақтың шығармашылық әлеуетін дамыту мақсатын көздеді.
Сайыс облысқа қарасты қала мен аудандардың мектептері мен колледждерінің оқушыларын біріктірді. Қатысушылар қысқа видеороликтер жасап, онда пантомима және қол қимылдары арқылы есірткіге қарсы сөздер мен ұрандар жеткізілді. Фон жасап отырған қатысушылар қара киім киген, ал ақ қолғаптағы қолдар үшке дейінгі негізгі есірткіге қарсы сөздерді құраған. Мұндай ерекше формат конкурс идеяларын көзбен көріп, қатысушылардың шығармашылық және көркемдік қабілеттерін бағалауға мүмкіндік берді. Әр жұмыстың бірегейлігіне, нақтылығына және визуалды әсерлілігіне ерекше көңіл бөлінді.
Байқау қорытындысы бойынша келесідей жеңімпаздар анықталды: І орын — №113 орта мектеп (Қармақшы ауданы), №№40, 41 орта мектептер (Шиелі ауданы), №125 орта мектеп (Жаңақорған ауданы), №10 мектеп-лицей (Қызылорда қаласы); ІІ орын — №34 орта мектеп (Жалағаш ауданы), №147 орта мектеп (Сырдария ауданы), №48 мектеп-лицей (Шиелі ауданы), №175 орта мектеп (Қызылорда қаласы); ІІІ орын — №№156, 50 орта мектептер мен Оқушылар үйі (Шиелі ауданы).
Сайыстың өткізілуі жастардың шығармашылық ойлау қабілетін дамытуға, салауатты өмір салтының маңыздылығын түсінуге және есірткіге қарсы профилактикалық іс-шараларға белсенді қатысуына септігін тигізеді.
Ұйымдастырушылар барлық қатысушылар мен педагогтарға белсенділік, шығармашылық қабілет және салауатты әрі қауіпсіз болашақ идеяларын насихаттауға қосқан үлесі үшін алғыс білдіреді.
Өзге де жаңалықтарды оқу үшін Telegram арнамызға жазылыңыз!