Фото: pixabay
Қызылордада балабақшада бала ұрған тәрбиешіге іс қозғалды, деп хабарлайды Kazinform полицияға сілтеме жасап.
Қызылорда қаласы полиция басқармасына ата-анадан арыз түскен.
Ол жеке балабақшада ұлына дене жарақатын салған тәрбиешіге шара қолдануды сұраған.
Арыз негізінде қылмыстық іс тіркеліп, ҚР ҚК 140-бабының 2-бөлігімен сотқа дейінгі тергеу жүріп жатыр.
«Тәркіленген бейнежазба қылмыстық іске тіркелді. Сот сараптамалары тағайындалды. Сот-медициналық сараптама нәтижесі бойынша баланың „денсаулығына жеңіл зиян“ келгені белгілі болды» дейді полициядан.
Ал сот-габитологиялық сараптаманың қорытындысы әлі шыққан жоқ.
41 жастағы тәрбиешіге ІІО-ға келу туралы міндеттеме қабылданды.
ҚР ҚПК 200-бабына сәйкес облыстық білім басқармасына ұсыныс жолданды.
Өзге де жаңалықтарды оқу үшін Telegram арнамызға жазылыңыз!