«Respublica» партиясы» Қызылорда облыстық филиалы «Саналы ата-ана» жобасын бастады. Жоба аясында Қызылорда облысы Полиция департаменті қызметкерлерінің қатысуымен Қызылорда қаласындағы №189 орта мектептің жоғарғы сынып оқушыларының ата-аналарымен кездесу өтті.
Кездесу барысында «Құқық бұзушылық пен қылмыс, кибербуллинг пен лудомания, нашақорлық пен суицидтің алдын алу» тақырыбында ақпараттар берілді. Сонымен қатар, кәмелетке толмағандардың қатысуымен жасалған қылмыстар мен ойынқұмарлық және нашақорлық туралы түсірілген бейнероликтер көрсетілді.
Кездесу соңында, ата-аналарға жасөспірім балаларын қадағалауға, бос уақыттарын тиімді өткізулеріне үлес қосуға, қоғамдағы жасөспірімдер арасындағы теріс әрекеттерден сақтауға кеңес берді.
Өзге де жаңалықтарды оқу үшін Telegram арнамызға жазылыңыз!