Фото: Halyq Uni
2018 жылы Түркістан облыс орталығы атанғаннан бері өңірдегі тұрғындарың өмір сүру жасы 3,5 жылға ұзарған. Бұл туралы Ұлттық экономика вице-министрі Бауыржан Омарбеков айтты, деп хабарлайды Halyq Uni тілшісі.
«Түркістан қаласының ерекше мәртебесі туралы» заң жобасын дайындағанда талдау жүргіздік. 2018 жылы Түркістан облыс орталығы болды. Осы уақыттан бастап халықтың әл-ауқаты қалай өзгерді? Біріншіден, халықтың өмір сүру ұзақтығы 70-тен 73,5 жасқа дейін, яғни 3,5 жылға ұзарды. Мұны өте жақсы көрсеткіш деп айтуға болады, – деді Бауыржан Омарбеков Мәжіліс кулуарында.
Екіншіден, 2018 жылы өңірде шағын және орта бизнес субъектілерінің саны 10 мың болса, қазір олардың саны 2 есе өсіп, 22 мыңға жеткен.
Шағын және орта кәсіпкерліктің өскені бюджетке де өз әсерін тигізеді. 2018 жылы қаланың өзіндік табысы 3,1 млрд теңге болса, бүгінде көрсеткіш 10 есе өсіп, 32 млрд теңге болды, – деді министрдің орынбасары.
Өзге де жаңалықтарды оқу үшін Telegram арнамызға жазылыңыз!