Қайғылы оқиға 3 сәуірде сағат 19:20-да көпқабатты үйлердің бірінде болды.
Ташкент тұрғыны үш баламен тоғызыншы қабаттан секіріп кеткен, – деп хабарлайды Massaget.kz Podrobno.uz-ке сілтеме жасап.
Ол алдымен ұлдарды итеріп жіберген. Сосын қызын қолына алып, онымен бірге секіріп кеткен. Ана да, балалар да аман қалмады. Басылым мәліметінше, Өзбекстанның бас прокуратурасы жантүршігерлік қайғылы оқиғаның егжей-тегжейін тексеріп жатыр.
«Қайғылы оқиға 3 сәуірде сағат 19:20-да көпқабатты үйлердің бірінде болды. Тоғызыншы қабаттағы пәтерде тұратын 27 жастағы әйел белгісіз себептермен үш баласын – екі ұлды (4 және 5 жаста), сондай-ақ, бір жасар қызын жатын бөлмесінің терезесіне апарған. Алдымен ол ұлдарды терезеден лақтырып жіберген, содан кейін қызды алып, онымен бірге секіріп кеткен», – делінген хабарламада.
Қазір тәртіп сақшылары жантүршігерлік әрекеттің себебін анықтап жатыр.
Өзге де жаңалықтарды оқу үшін Telegram арнамызға жазылыңыз!