Resonance Consultancy компаниясы 2021 жылы өмір сүруге жайлы қалалар тізімін жасапты. Зерттеу барысында мына талаптарды негізге алған.
Орындар: ауа райы (күннің жиі түсуі), қала көшелерінің қауіпсіздігі, тамашалайтын орындардың көптігі, COVID-19 індетін жұқтырушылар санының аздығы.
Адамдар: зерттеушілер тұрғылықты жандардың жасы мен олардың білімі және жұмыс орындарына назар аударған.
Өнімдер не қаланың инфрақұрылымы: әуежай (тікелей рейстердің болуы), жергілікті университеттердің мәртебесі, сауда, ойын-сауық, конференц орталықтарының болуы да әсер еткен.
Бағдарламамен жарақтануы. Тамақтану орындары, сауда, ойын-сауық, түнгі көрініс – қазіргі туристердің басты талабы.
-ЛОНДОН-
Рейтингтің көшбасында бесінші жыл қатарынан Лондон қаласы тұр. Басқа астаналармен салыстырған Лондонда миллиондаған адам коронавируспен ауырып жатыр. Пандемия өз дегенін істеп тұрса да, тізімді дайындаушылар басқа аспектілерге мән берген екен: жанға жайлы таза ауа, жасыл желекті қалалық бақтар, табиғаттағы демалыс сапасына орай Лондон жоғары бағаға ие болып отыр. Зерттеушілердің жасаған қорытындасы бойынша бұл қаладағы ағаштың көптігі 201-2018 жылдар арасында $ 6.5 миллиард үнемдеуге көмектескен. Себебі ағаштар ауаны балғындандырып, қызметкерлердің тынығуына және өнімді жұмыс жасауына жайлы ауа райын тудырып отыр. Сонымен қатар, Лондонда Ultra Low Emissions Zone жүйесі жұмыс істейді, яғни қалаға көлікпен кіргенде қоршаған ортаға зиян келтіретіндігіңіз үшін ақша төлейсіз.
-НЬЮ-ЙОРК-
Нью-Йорк өткен жылы пандемиядан көп зардап шекті. Бірақ та рейтинг төрінен көріп отырмыз. Бұның бір себебі – алпауыт компаниялар орналасқан қала. Оған қоса, өткізілген концерт, салтанатты іс-шаралар, МОМА және Метрополитен Опера сынды түрлі онлайн-ивенттердің арқасында «Өнер» категориясы бойынша жоғары бағаға ие болды.
-ПАРИЖ-
Соңғы жылдар Париж үшін аса қолайлы болмады. Неге десеңіз, Нотр-Дамдағы өрттің өзі біраз шығынға батырды. Соған қарамастан, биыл «Өнім» категориясы бойынша үшінші орынды, әуежай дамуы бойынша екінші орынды, музейлер бойынша бесінші орынды, көрнекті орындар үшін жетінші орынды иеленіп отыр. 2024 жылы өтетін Олимпиада ойындарына қызу дайындық басталып та кеткен. Таңдай қақтырарлық қонақүйлер мен ашық бассейндер көптеп салынып жатыр. 2020 жылы парк саны бойынша Париж қаласы 26-орынды тұрақтаған. Мынадай даму қарқынымен бұл сатыдан көтерілері анық.
Үйлердің шатырында егіндіктер бар. Бұл үрдіс 2020 жылы қарқын ала бастаған. Әсіресе, Paris Expo Porte de Versailles кешені ең танымалдысы.
-МӘСКЕУ-
Мәскеуге келушілердің денің өнер мен ғылымды бағалаушылар. Ғарышкерлер музейі мен сурет мұражайлары, түрлі саябақтар, заманауи өнер музейі сынды ғажайып мекендерге асығушылар саны көп. Google-дегі іздеуде көп сұралған қалалар тізімінде 14-ші орында осы Мәскеу бар.
-ТОКИО-
Токионы жер сілкіну, цунами мен тайфунына қарамастан, әлемдегі ең қауіпсіз қала деп таныған. Үлкен сауда ауданының арқасында «Шопинг» санаты бойынша бірінші оынға иеленіп отыр. Мейрамханалар саны бойынша екінші орынды алады. Мұнда жүз мыңға жуық мейрамхана бар. Мұнда жаңа инновациялық музейлер ашылып жатыр. Негізінен қазірдің өзінде мұндай музейлердің саны 250-ден асады. Ал түнгі қала өмірі пандемияға қарамастан жалт-жұлт етіп тұр.
Өзге де жаңалықтарды оқу үшін Telegram арнамызға жазылыңыз!