Фото: саясаттанушының Facebook парақшасынан
Саясаттанушы Оразғали Селтеев желіде аймақтардағы су тасқынына байланысты алдағы уақытта облыс әкімдері ауысуы мүмкін екенін айтты. Бұл туралы Stan.kz ақпарат агенттігі хабарлайды.
Саясаттанушы өзінің Telegram арнасында жазба жариялап, онда әкімдердің осыншалық суға кету қаупін неге алдын ала болжамағанын сынға алды.
«Барлық соңғы апаттардың ішінде қазіргі су тасқыны ең сорақысы болып тұр. Мұндай күнделікті ойланып, алдын алуға болатын мәселелерді қалай қалт жіберуге болады, мүлдем түсініксіз. Мемлекет басшысы өте қатаң шаралар қабылдайтын секілді. Мүмкін бірден емес, бірақ әкімдер түбегейлі жаңарады», – деп жазады Селтеев.
Ол өңірлер мен қала басшылары тұрғындардың да, орталық биліктің де үмітін ақтамағанын атап өтті.
«Бұл ретте өңірлік деңгейде неғұрлым терең және егжей-тегжейлі саяси реформалардың қажеттілігі бірінші кезекте тұр. Облыстық шенеуніктер саясатта ұзақ болу ережелерінің айтарлықтай өзгергенін түсінбеген сияқты. Тек атқарылған жұмыс туралы есеп беру жеткіліксіз. 24/7 жағдайды нақты бақылау керек және мұндай сәтсіздіктерге жол бермеу керек», – деді сарапшы.
Өзге де жаңалықтарды оқу үшін Telegram арнамызға жазылыңыз!