Фото: Пресс-служба президента Казахстана
Sputnik. Өзбекстан президентінің елімізге мемлекеттік сапары аясында мынандай құжаттарға қол қойылды, деп хабарлайды орталық коммуникациялар қызметі.
- Екі ел арасындағы қазақ-өзбек мемлекеттік шекарасының режимі туралы келісім;қазақ-өзбек мемлекеттік шекарасы арқылы өткізу пункттері туралы келісімінің хаттамасына өзгертулер мен толықтырулар енгізу туралы хаттама;
- екі ел арасындағы 2006 жылғы 20 наурыздағы халықаралық автомобиль қатынасы туралы келісіміне өзгертулер мен толықтырулар енгізу туралы хаттама;
- Екі мемлекет арасындағы мәдени-гуманитарлық ынтымақтастық жөніндегі 2024-2025 жылдарға арналған іс-шаралардың жоспары;
- Қазақстан мен Өзбекстан ауыл шаруашылығы министрліктері арасындағы ауыл шаруашылығы саласындағы ынтымақтастық туралы келісім;
- Екі елдің Ұлттық экономика министрліктері арасындағы өзара түсіністік және ынтымақтастық туралы хаттама;
- Қазақстан Республикасы Ұлттық экономика министрлігі Табиғи монополияларды реттеу комитеті мен Өзбекстан Республикасы Бәсекелестікті дамыту және тұтынушылар құқығын қорғау комитеті арасындағы табиғи монополияларды реттеу саласындағы ынтымақтастық туралы хаттама;
- Қазақстан мен Өзбекстанның денсаулық сақтау министрлігі арасындағы денсаулық сақтау саласындағы ынтымақтастық туралы келісім;
- Қазақстан Республикасы Бәсекелестікті қорғау және дамыту агенттігі мен Өзбекстан Республикасы Бәсекелестікті дамыту және тұтынушылар құқығын қорғау комитеті арасындағы бәсекелестікті қорғау саясаты саласындағы ынтымақтастық туралы хаттама;
- Қазақстан Республикасы президенті жанындағы Қазақстанның стратегиялық зерттеулер институты мен Өзбекстан Республикасы президенті жанындағы Стратегиялық және өңіраралық зерттеулер институты арасындағы Қазақстан-Өзбекстан сарапшылар кеңесін құру жөніндегі өзара түсіністік туралы меморандум;
- «Отандастар» қоры мен Өзбекстан Республикасы мәдениет министрлігі жанындағы Ұлтаралық қатынастар және шетелдермен достық байланыстар жөніндегі комитеті арасындағы өзара түсіністік туралы келісім;
- Астана қаласы әкімдігі мен Ташкент қаласының хокимияты арасындағы 2025-2026 жылдарға арналған сауда-экономикалық, инвестициялық және мәдени-гуманитарлық салалардағы ынтымақтастықты кеңейту жөніндегі нақты іс-шаралар жоспары жасалды.
Өзге де жаңалықтарды оқу үшін Telegram арнамызға жазылыңыз!