Фото: бейнежазбадан алынған кадр
SMARTNEWS.KZ басылымының хабарлауынша, Отандық танымал актер әрі кинопродюсер Нұрлан Қоянбаев жолда қарбыз сатып тұрған диқандардың саудасын жүргізуге көмектесіп жатыр. Өнер иесі олардың біреуінен 2 тонна қарбыз сатып алған.
Нұрлан Қоянбаев Instagram-дағы парақшасында арнайы челлендж бастап, оқырмандарын игі іс жасауға шақырды.
«Биыл қарбыз-қауынның бағасы түсіп, сауда бәсеңдеген. Сондықтан, диқаншыларымызға халық боп, бірге қолдау білдірейік! Әр қазағым жалғызым! Күшті өмір сүрейік», – деп үндеу жасады актер.
Өнер иесі өзі де жолдан тоқтап, сатушылардың бірінен 2 тонна қарбыз сатып алған.
«Бүгін 2 тонна қарбыз сатып алдық! Жақсылық жасап, жарысайық», – деді Қоянбаев.
Сонымен қатар кинопродюсер жолда өтіп жатқан көліктерді тоқтатып, диқандардың қарбызын сатуға көмектесті.
Өзге де жаңалықтарды оқу үшін Telegram арнамызға жазылыңыз!