Sputnik. Бұған дейін депутат Дәулет Тұрлыхановтың ұлы Нұрасыл Болат ерлі-зайыптыларды ұрғаны үшін сотталған болатын. Алматыда мәжіліс депутатының інісі Рахат Тұрлыхановтың ісі қаралды. Ол былтыр желтоқсанда әйелін соққан.
Тұрлыханов мұны мойындады. Әйелімен татуласқандықтан соттан істі тоқтатуды сұрады.
«Сот өткен жылдың желтоқсан айында Т. үйде жанжал шығарып, жұбайын ұрып-соққаны анықталды. Сотта Т. кінәсін мойындады, жасаған ісіне өкініп, іс бойынша іс жүргізуді тараптардың татуласуына байланысты тоқтатуды сұрады», – делінген сот хабарламасында.
Жұбайы іс материалдарында көрсетілген фактілерді растады, олар татуласқанын айтты.
«Сот қаулысымен Т. ӘҚБтК 73-2-бабының 1-1-бөлігінде көзделген әкімшілік құқық бұзушылық жасағаны үшін кінәлі деп танылды және әкімшілік ескерту түрінде әкімшілік жазаға тартылды», – деп хабарлайды соттың баспасөз қызметі.
Бұған дейін депутат Дәулет Тұрлыхановтың ұлы Нұрасыл Болат ерлі-зайыптыларды ұрғаны үшін сотталған болатын. Ол да айыппұлмен құтылды.
«Сотталушы 11 ақпанда сағат 02.00 шамасында Алматының түнгі клубтарының бірінің жанында болған. Сотталушы қасақана дене жарақатын салған. Сотталушының кінәсін мойындады. Сондай-ақ оның кінәсі жәбірленушілер мен куәгерлердің айғақтарымен, сараптамалардың қорытындыларымен және оқиға болған жерді тексеру хаттамаларымен дәлелденді», – делінген сот хабарламасында.
Ұлының әрекеті үшін депутат кешірім сұрауға мәжбүр болды.
Дәулет Тұрлыханов-грек-рим стиліндегі қазақстандық балуан, Қазақстанның еңбек сіңірген жаттықтырушысы. Ол Олимпиада ойындарының күміс (1988) және қола (1992) жүлдегері. Қазақстанның грек-рим, еркін және әйелдер күресі федерациясын басқарды.
Өзге де жаңалықтарды оқу үшін Telegram арнамызға жазылыңыз!