SMARTNEWS.KZ басылымының хабарлауынша, әнші Қайрат Нұртастың ұлы Хан темір тұлпардың иесі атанды. Бұл жаңалықты өнерпаздың анасы әрі продюсері Гүлзира Айдарбекова Instagram-парақшасында бөлісті.
«Ханды құттықтасаңыздар болады. Енді машиналы болды. Әкесі де, шешесі де жұмыстан қолы тимейді. Оны жеке жүргізуші таситын болады», – деп жазды Айдарбекова.
Жас жүргізушіні әншінің көмекшісі де құттықтап, ізгі тілегін жеткізді.
«Құтты болсын! Көлігің берекелі болсын! Әкеңе есік ашып жүретін азамат бол!», – деді ол.
Айта кетейік, жуырда Қайрат Нұртастың қызы Сезім шетелге оқуға кеткен болатын. Әншінің жұбайы Жұлдыз Әбдікәрімова қызының Англияда білім алуын үлкен қуанышпен бөліскен еді.
Өзге де жаңалықтарды оқу үшін Telegram арнамызға жазылыңыз!