Фото: KazFootball.kz
АСТАНА. KAZINFORM – Футболдан 2024 жылғы Еуропа чемпионатында бүгін, 14 шілдеде финалда Испания мен Англия құрамалары кездеседі.
Кездесу Берлин қаласындағы «Олимпиаштадион» стадионында өтеді.
Ойын сағат 00.00-де басталып, «Qazaqstan» және «Qazsport» телеарналарынан тікелей эфирде көрсетіледі.
B тобында сынға түскен Испания құрамасы Хорватияны 3:0, Италия мен Албанияны 1:0 есебімен жеңді.
Одан кейін 1/8 финалда Грузияны 4:1, одан кейін Германияны қосымша кезеңде, Францияны негізгі кезеңде 2:1 есебімен сүріндірді.
С тобында сынға түскен Англия Сербияны 1:0 есебімен жеңсе, Даниямен 1:1, Словениямен 0:0 есебімен тең ойнады.
Англиялық футболшылар 1/8 финалда Словакияны қосымша кезеңде 2:1 есебімен сүріндірсе, одан кейін Швейцария 1:1 (пенальтиден 5:3), Нидерландты 2:1 есебімен жеңді.
Екі құрама бұған дейін 27 мәрте кездесіп, 10-дa Испания, 13-де Англия басым түссе, қалғанында тең нәтиже тіркелді.
Өзге де жаңалықтарды оқу үшін Telegram арнамызға жазылыңыз!