Фото: ҚазАқпарат
Белгілі спортшы, Мәжіліс депутаты Дәулет Тұрлыханов Азия күрес федерациясы (UWW Azia) президенттігінен кетті, деп хабарлайды “Адырна” ұлттық порталы.
Иордания астанасы Амман қаласында өткен федерацияның бас ассамблеясында аталған қызметке жаңа басшы тағайындалды. Енді бұл міндетті иорданиялық Мохаммед Әл-Авамала атқаратын болды. Ол 38 дауыстың 34-ін жинады. Енді иорданиялық маман бұл ұйымды 2028 жылға дейін басқарады.
Айта кетсек, Дәулет Тұрлыханов аталған қызметті 2017 жылдың мамырынан атқарып келді.
Сондай-ақ, Иордания астанасы Амман қаласында өтетін күрес түрлерінен Азия чемпионатына қатысатын Қазақстан құрамасы белгілі болды.
25-30 наурыз аралығында өтетін Азия чемпионатында ел құрамасы еркін, грек-рим және әйелдер күресінен сынға түседі.
Өзге де жаңалықтарды оқу үшін Telegram арнамызға жазылыңыз!