Париж Олимпиадасының чемпионы Елдос Сметов отбасымен бірге бірнеше ай Лондон қаласында өмір сүреді, деп хабарлайды Azattyq Rýhy.
Бұл туралы спортшы 2024 жылдың қарашасында айтқан. Спортшы Париж Олимпиадасы кезінде ағылшын тілін білмеген соң қиналғанын, ендігі мақсаттарының бірі – тілді жетік меңгеру болатынын айтқан еді.
«2025 жылдың басында арнайы ағылшын тілін үйрену үшін Лондонға 4 айға барамын. Халықаралық дзюдо федерациясына (IJF) ағылшын тілінде сұхбат бергім келеді», – деген еді спортшы журналистерге.
Күні кеше спортшы әлеуметтік желідегі жеке парақшасында Лондонға аттанғаны туралы суреттер жүктеген. Оны жақындары, достары шығарып салған.
Өзге де жаңалықтарды оқу үшін Telegram арнамызға жазылыңыз!