Әдетте, мұндай отадан кейін қалыпқа келу мерзімі шамамен алты айды құрайды.
Фото: 365info
Ауыр атлетикадан төрт дүркін әлем чемпионы Илья Ильин тізесіне ота жасатты, деп хабарлайды Skifnews.kz ақпарат порталы.
Әдетте, мұндай отадан кейін қалыпқа келу мерзімі шамамен алты айды құрайды. Алайда Ильин денсаулығы жақсы екенін, көп үзіліс алмайтынын айтты. Спортшы жаттығуға қайта оралуға асық екенін жеткізді.
Былтыр Илья Ильин оқырмандарға шашын тақырлап алып тастағанын айтып, көпті таң қалдырған болатын. Кейін белгілі болғандай спортшы шашын қалыңдату үшін Түркияға барып, арнайы кішігірім ота жасатқан.
Айта кету керек, мұндай процедурасы сиреп қалған шашты қалыңдату үшін арнайы ота арқылы жасалады. Адамның бас терісіне шаш талшықтары орналастырылады. Ота жергілікті анестезия арқылы жүзеге асырылады.
Естеріңізге салсақ, Илья Ильин төрт рет (2005, 2006, 2014 және 2015 жылдары) ауыр атлетикадан әлем чемпионы атанған.
Өзге де жаңалықтарды оқу үшін Telegram арнамызға жазылыңыз!