Фото: instagram.com/anarbekov_temirlan77/
Миландық «Интердің» баспасөз қызметі әлеуметтік желіде алматылық «Қайратқа» қарсы матчқа қатысты кезекті жазба жариялады. Италиялық клуб Анарбеков туралы қазақ тілінде жазып, қазақстандық жанкүйерлерді тағы бір мәрте таңғалдырды, деп жазады KAZ.NUR.KZ.
«Интердің» Instagram-парақшасында «Қайраттың» қақпашысы Темірлан Анарбековтың миландық клбуқа қарсы матчта жасаған сейвтерінің видеосы жарияланған.
«Екі керемет сейв жасалды. Басқа контенттер үшін бізді қадағалаңыз», – деген жазба қалдырған «Интер» баспасөз қызметі.
Аталмыш жазба бірден қазақстандықтардың назарына түсіп, олар италиялық клубтың парақшасында асқан белсенділік танытты. Алайда көп оқырманның айтуынша, Instagram желісінің жаңа мүмкіндіктерінің арқасында бұл жазба тек біздің елдің жанкүйерлеріне ғана көрінеді.
«Бауырсақ пен пицца – бауырлар», «»Интер» Анарбековке көз тіккен бе?», «Рақмет, «Интер», «Біздің арқамызда белсенділігін арттыруда», «Жазба тек Қазақстанда көрінеді», – деп жазуда көпшілік.
Өзге де жаңалықтарды оқу үшін Telegram арнамызға жазылыңыз!