фото: Pau Barrena
13 шілде күні таңертең «Интер Майамидің» аргентиналық шабуылшысы Лионель Месси Жоғары футбол лигасы матчында «Нэшвилл» қақпасына екі гол соқты. Нәтижесінде ол Лига тарихындағы бірегей жетістікке қол жеткізді, деп хабарлайды Sputnik Қазақстан.
Жоғары футбол лигасы баспасөз қызметінің мәліметінше флоридалық клубтың капитаны Лига тарихында бес матч қатарынан екі гол соққан алғашқы футболшы ретінде танылды.
Матчтың өзіне келетін болсақ, «Интер Майами» өз алаңында «Нэшвиллді» қабылдап, 2:1 есебімен жеңіске жетті.
Мессидің екі голына неміс шабуылшысы Хани Мұхтар бір голмен жауап берді.
Осы жеңістен кейін аргентиналық команда 38 ұпай жинап, лиганың Шығыс конференциясында бесінші орынға жайғасты.
Еске сала кетейік, Лионель Солтүстік Америка футбол лигасы деңгейінде өзінің рекордын дубльмен жаңартып отыр. Бұған дейін ол төрт ойын қатарынан екі гол соққан алғашқы ойыншы атанған.
Сонымен қатар Месси лиганың үздік бомбардирлері тізімінде бірінші орынды иеленіп, «Нэшвилл» ойыншысы Сэм Сарриджбен теңесті, екеуінде де 16 гол бар. «Интер Майами» командасының лидері қосымша көрсеткіштер бойынша бәсекелесінен алда келеді.
Өзге де жаңалықтарды оқу үшін Telegram арнамызға жазылыңыз!