БАӘ-нің Фуджейра қаласында WKF «Karate1 Premier League – Fujairah 2022» халықаралық турнирінде 50 келі салмақ дәрежесінде жерлесіміз Мөлдір Жаңбырбай чемпион атанды.
Нәзік те қайсар қыз бұған дейін Алматы қаласында өткен Азия чемпионатында облыс намысын қорғады. Спортшы чемпионаттағы алғашқы қарсыласы Тайвань елінің қызын 2:0 есебімен жеңсе, екінші жекпе-жегінде Тайландтың каратэшісін 9:2 есебімен және 3 жекпе-жегінде Иран елінің қызын 7:5 есебімен жеңіп, ақтық сайысқа шыққан болатын.
Спортқа 6 жасында келген Мөлдір республикалық, халықаралық жарыстарда ел намысын абыроймен қорғап, өзге елдерде Әнұранды асқақтатып, көк байрақты желбіретіп жүр. Ол – каратэ-додан ҚР чемпионатының бірнеше дүркін жеңімпазы, республикалық және халықаралық турнирлердің көпдүркін жеңімпазы, Азия, 3 дүркін Әлем чемпионы. ҚР халықаралық дәрежедегі спорт шебері.
Өзге де жаңалықтарды оқу үшін Telegram арнамызға жазылыңыз!