KAZINFORM – Бангкокта (Таиланд) нысана көздеуден Азия кубогы өтуде. Бүгінгі күнге дейін Қазақстан құрамасы алты алтын медаль жеңіп алды. Бұл туралы Ұлттық олимпиадалық комитет хабарлады.
Турнирдің аяқталуына бірнеше күн қалғанда, біздің спортшылардың қоржынында 13 жүлде бар.
Алтын медаль иегерлері: Елизавета Безрукова, Константин Малиновский (пневматикалық винтовка, аралас жұп); Ислам Сатпаев, Никита Шахторин, Константин Малиновский (пневматикалық винтовка, командалық жарыс); Юрий Юрков (пневматикалық винтовка, 50 метр, жатып ату); Никита Шахторин, Константин Малиновский, Юрий Юрков (пневматикалық винтовка, 50 метр, командалық жарыс, жатып ату); Константин Малиновский (пневматикалық винтовка, 50 метр, үш жағдай); Юрий Юрков, Никита Шахторин, Константин Малиновский (пневматикалық винтовка, 50 метр, үш жағдай, командалық жарыс).
Күміс жүлде иегерлері: Ирина Юнусметова, Ольга Аксенова, Валерия Попелова (пневматикалық тапанша, командалық жарыс); Валерий Рахимжан (пневматикалық тапанша); Ислам Сәтпаев (пневматикалық винтовка, 10 метр); Никита Чирюкин (жылдам ату тапаншасы); Юрий Юрков (пневматикалық винтовка, 50 метр, үш жағдай).
Қола жүлдеге ие болған спортшылардың қатарында Александра Ле (пневматикалық винтовка, 10 метр); Никита Шахторин (пневматикалық винтовка, 50 метр, жатып ату).
Айта кетейік, Бангкоктағы жарыстар әлі жалғасып жатыр. Турнирде әртүрлі жас санаттары бойынша да жүлделер сарапқа салынады.
Азия кубогы 22 ақпанда аяқталады.
Өзге де жаңалықтарды оқу үшін Telegram арнамызға жазылыңыз!