Өзбекстанда әлем чемпионатының қорытындысы талқыланды. Бұл туралы Stan.kz ақпарат агенттігі хабарлайды.
Англияның Ливерпуль қаласында өткен әлем чемпионатының нәтижелері бойынша Ташкентте Өзбекстан бокс федерациясының баспасөз конференциясы ұйымдастырылды. Жиынға федерация басшылары мен ұлттық құрама мүшелері қатысып, бұқаралық ақпарат құралдарының сауалдарына жауап берді.
Іс-шара барысында федерация өкілдері жылдың соңында Ташкентте Asian Boxing ұйымының қолдауымен ересектер арасындағы Азия чемпионаты өтетінін мәлімдеді.
Айта кетейік, әлем біріншілігінде Өзбекстан құрамасы 6 алтын, 2 күміс және 3 қола жүлде иеленіп, жалпыкомандалық есепте екінші орынға табан тіреді. Бірінші орын Қазақстан құрамасына бұйырды.
Өзге де жаңалықтарды оқу үшін Telegram арнамызға жазылыңыз!