Фото ©️ olympic.kz
Кеше бокстан Париж Олимпиадасының жеребесі тартылып, қазақстандық боксшылардың алғашқы қарсыластары анықталды. Осы орайда, ерлер құрамасының бас бапкері Мырзағали Айтжанов жеребе тарту рәсіміне қатысты шағын пікірін айтты, деп жазады Olympic.kz.
Бұл – Олимпиада ойындары. Әрбір қарсылас іріктеліп, үлкен дайындықпен келген. Оңай қарсылас жоқ. Сол себепті, әрбір жекпе-жек біз үшін финалға пара-пар. Біз екінші, үшінші кездесу қиын болады деп қарастырмаймыз. Бір бірінші жекпе-жектен бастап тас түйін дайын шығамыз, – деді бас бапкер.
Бірнеше боксшымыз бірінші айналымнан сүрінбей өтер болса, өз салмақтарындағы әлем үздіктерімен кездесуі мүмкін.
Естеріңізге сала кетейік, Париж Олимпиадасындағы бокс жеребесі төмендегідей тартылды:
51 кило: Сәкен Бибосынов – Самет Кумуш (Түркия)
57 кило: Махмұд Сабырхан – Хосе Кильес (Испания)
63,5 кило: Мұхамедсабыр Базарбайұлы – Ойер Ибаррече Конде (Испания)
71 кило: Асланбек Шымбергенов – Зияд Ишиаш (Иордания)
80 кило: Нұрбек Оралбай – Каллум Петерс (Австралия)
92 кило: Айбек Оралбай – Олайтан Адам Олаор (Нигерия)
+92 кило: Қамшыбек Қоңқабаев – Гадфа Дрисси (Испания)
Қазақстандық боксшылар арасынан алғаш болып шаршы алаңға Мұхамедсабыр Базарбайұлы шығады. Оның бірінші кездесуі 27 шілдеге жоспарланған.
Өзге де жаңалықтарды оқу үшін Telegram арнамызға жазылыңыз!