Фото: instagram.com/fc__ordabasy
Шымкенттің «Ордабасы» футбол клубы бірден алты ойыншысымен қош айтысты, деп хабарлайды El.kz ақпарат агенттігі.
Клубтан кеткендер қатарында Қазақстан құрамасының жартылай қорғаушысы Айбол Әбікен, қақпашы Сергей Игнатович, қорғаушылар Игорь Пластун мен Режиналдо, жартылай қорғаушы Ловро Цвек, шабуылшы Артем Беседин бар.
Айбол биыл шымкенттік команда сапында 25 ойын өткізді. Ал Сергей Игнатович – 8 матчқа, Игорь Пластун 23 матчқа (3 гол), Режиналдо – 13 матчқа (1 гол), Ловро Цвек – 16 матчқа, Артем Беседин 16 матчқа (4 гол) қатысқан.
«Ордабасы» маусым қорытындысы бойынша төртінші орынға тұрақтады.
Өзге де жаңалықтарды оқу үшін Telegram арнамызға жазылыңыз!