Алматылық «Қайрат» футбол клубының және Қазақстан жасөспірімдер құрамасының шабуылшысы Дастан Сәтпаев әлемге әйгілі Лондондық «Челси» клубына ауысатынын мәлімдеді, деп хабарлайды «Адырна» ұлттық порталы.
Желтоқсан айында «Челси» Дастанды қаралымға шақырған болатын. Талантты футболшының шеберлігі Англияның үздік клубтарының бірін таңғалдырғаны белгілі болды. Қазіргі уақытта алматылық «Қайрат» пен лондондық клуб трансферлік келіссөздерді бастаған.
Дастанның жаңа клубқа ауысуы алдағы аптада жүзеге асуы мүмкін. Алайда футболшының жасы 18-ге толмауына байланысты келіссөздердің заңды аспектілері назарда болады.
Егер трансфер сәтті аяқталса, Дастан Сәтпаев Қазақстанның жас футболшылары арасында Еуропаның үздік командаларына ауысқан жарқын мысалдардың бірі атануы ықтимал.
Өзге де жаңалықтарды оқу үшін Telegram арнамызға жазылыңыз!