Универсиада 13-23 қаңтар аралығында Италияның Турин қаласында өтеді, деп хабарлайды Azattyq Rýhy.
Қазақстандықтар 10 спорт түрінен сынға түседі. Олар: биатлон, шорт-трек, шаңғы жарысы, мәнерлеп сырғанау, спорттық бағдарлау, фристайл, тау шаңғысы, ерлер мен әйелдер хоккейі.
Бұдан бөлек пара шаңғы бәсекесі алғаш рет жарыс бағдарламасына енгізіліп отыр. Қазақстаннан Қысқы Универсиадаға 103 спортшы аттанбақ.
«Биатлоннан ерлер арасында Вадим Куралес, Владислав Киреев, Кирилл Бауэр, Ержанат Қуандық, Никита Акимов, әйелдерден Арина Крюкова, Айша Ракишева, Милана Генева, Полина Егорова, Алина Скрипкина жарыстарға қатысады.
Шорт-тректе сенім Санжар Жанисов, Әлішер Абулкатимов, Дамир Кұрманов, Айбек Темірхан, Динмұхамедалдияр Тәжібай, Валерий Клименко, Алина Ажгалиева, Яна Хан, Зейнеп Кұмархан, Полина Омельчук, Анастасия Галечина, Малика Ермекке артылып отыр», – делінген Оқу-ағарту министрлігі «Ұлттық ғылыми-практикалық дене тәрбиесі орталығы» РМҚК таратқан мәліметте.
Сондай-ақ шаңғы жарысында Святослав Матасов, Ернур Бексултан, Әмірғали Мұратбеков, Ілияс Исабек, Нартай Тұрлыбекұлы, Сұлтан Базарбеков, Анастасия Ротова, Лаура Киныбаева, Мария Геращенко, Елизавета Толмачева, Әсем Жұмағазиева, Алеся Бочкарева. мәнерлеп сырғанауда Михаил Шайдоров, Диас Джиренбаев, Никита Кривошеев, Софья Самоделкина жарыс жолына шығады.
«Спорттық бағдарлауда Давид Сиволапов, Иван Биткин, Александр Фирсов, Никита Иост, Илья Таганашкин, Ангелина Кузьмина, Евгения Завьялова, Карина Боранбаева, Анжелика Гарифова, Валерия Чупина, фристайлда Анастасия Городко, Аяулым Әміренова, Антон Бондарев, Федор Бугаков, Максим Емельянов, Семен Русаков, тау шаңғысы бойынша Александра Скороходова, Ксения Бережная ел намысын қорғайды» – деген мәлімет тарады.
Хоккейден ерлер командасына 24, әйелдер құрамасына 22 спортшы енді. Пара шаңғы жарысына Денис Зинов, Роман Курбанов қатысады.
2025 жылғы Қысқы Универсиадаға 57 елден шамамен 2000 спортшы қатысады деп жоспарланып отыр.
Өзге де жаңалықтарды оқу үшін Telegram арнамызға жазылыңыз!