Фото: Жеке парақшадан алынды
Танымал боксшы Назым Қызайбай қашан бокспен қош айтысатынын хабарлады. Бұл туралы Stan.kz ақпарат агенттігі хабарлайды.
Спорт шебері тұрмысқа шыққысы келетінін “Қызық Times” бағдарламасында жасырмады.
“Жақында Әйгерім Сәттібаева Азия чемпионатының қола жүлдегері атанды. Біле білсеңіздер, Әйгерім – бес баланың анасы. Алайда меніңше, күйеуге шыққан соң боксты қою керек. Себебі балаға тәрбие беретін ең бірінші адам – анасы. Егер спорттық мансабыңды жалғастырып, жарыстарға барып, жаттығуларға уақыт бөлсең, балаңның өскенін, қалыптасуын толыққанды көре алмайсың», – деді спортшы.
Айта кетейік, Cербияның Ниш қаласында әйелдер арасында бокстан өткен әлем чемпионатында Назым Қызайбай алтын жеңіп алған еді.
Қазақстандық боксшы 48 келіге дейінгі салмақта ресейлік Юлия Чумгалаковадан үш раунд бойы айласын асырды.
Төрешілер жеңісті бірауыздан Назымға берді – 5:0.
Осылайша, Назым Қызайбай қазақстандық боксшылардан алғаш рет үш дүркін әлем чемпионы атанып, тарихқа енді. Бұған дейін ерлер арасында да ешкім мұндай табысқа жеткен емес.
Бұдан бұрын Назым әлем біріншілігінде 2014 және 2016 жылдары топ жарған еді. Сондай-ақ ол 2021 жылы Азия чемпионы атанып, Париж Олимпиадасында қола жүлдеге қол жеткізді.
Президент Қасым-Жомарт Тоқаев Назым Қызайбайды тарихи жеңісімен құттықтады.
Өзге де жаңалықтарды оқу үшін Telegram арнамызға жазылыңыз!