Фото: SCANPIX/IMAGO/justpictures.ch
Әлемнің бұрынғы бірінші ракеткасы Рафаэль Надаль Дэвис кубогының финалынан кейін мансабын аяқтайтынын айтты, деп жазады ATP Tour.
38 жастағы теннисші қарашаның 19-ы мен 24-і аралығында Малагада өтетін Дэвис кубогының финалына соңғы рет шығады.
— Баршаңызға сәлем, мен кәсіби теннистен кететінімді айтпақшымын. Негізі, соңғы жылдар мен үшін қиын болды, әсіресе соңғы екі жыл. Мен шектеусіз ойнай беремін деп ойламаймын. Әрине, бұл шешім қабылдауыма біраз уақыт қажет болған қиын шешім, бірақ бұл өмірде бәрінің басы мен соңы бар және менің ойымша дәл қазір өзім үшін сәтті болған мансабымды аяқтайтын уақыт келді, – деді Надаль испан тілінде X әлеуметтік желісінде жарияланған видеода.
Мансап жолында испандық «Үлкен дулыға» турнирінде 22 рет жеңіске жетті, оның ішінде Ролан Гарростағы (Франция ашық чемпионатында) рекордтық 14 жеңісі бар.
Дереккөз: Қазақпарат
Өзге де жаңалықтарды оқу үшін Telegram арнамызға жазылыңыз!