Атырау облыстық мәслихаты «Атырау облысында жерлеу және қабірлерді күту қағидаларын бекіту туралы» шешімінің жобасын қарастыруда. Бұл құжат 2019 жылы Ұлттық экономика министрлігі бекіткен үлгілік қағидалар негізінде әзірленген. Қазіргі уақытта жоба мәслихат депутаттарының қарауына жіберілмек, деп хабарлайды «Адырна» ұлттық порталы AtyrauPress-қа сілтеп.
Мәслихат аппаратының басшысы Ержан Түркістанов мәлімдегендей, жаңа қағидалар зираттарды күтіп ұстау, жерлеу рәсімін реттеу және санитарлық нормаларды сақтау мақсатында әзірленген.
Жерлеу рәсіміне қойылатын негізгі талаптар бар.
Қабірлер арасындағы қашықтық кемінде 1 метр, ал ені жарты метр болуы тиіс. Қабірдің тереңдігі жер бедеріне және жер асты суларының деңгейіне қарай кемінде 1,5 метр болуы керек. Егер қайтыс болған адам аса қауіпті инфекциядан көз жұмса, қабір тереңдігі 2 метр болуы шарт және түбіне 10 см хлорлы әк қабаты себілуі тиіс. Әр қабірдің үстіне 0,5 метр биіктікте үйінді жасалып, жауын-шашыннан қорғау үшін оның шеттері кеңейтіледі.
Зираттарды күтіп ұстау және абаттандыру да қаралған.
Зираттар реттелген қатарларға бөлініп, жүретін жолдар қарастырылады. Қала әкімдігі жерлеуді тіркеу жұмыстарын жүргізеді. Егер қайтыс болған адамның туыстары бұрынғы туыс қабірінің жанына жерлеуді қаласа, бос орын болған жағдайда және туыстықты дәлелдейтін құжаттар ұсынылса, оған рұқсат беріледі. Туысы жоқ адамдарды жерлеу бюджет қаражаты есебінен жүзеге асырылады. Зират әкімшілігі барлық тұрғындарға бірдей қолжетімді қызмет көрсетеді.
Құжаттың мақсаты – зираттарда санитарлық талаптарды сақтау, жерлеу рәсімін жүйелеу және қоғамдық тәртіпті қамтамасыз ету. Мәслихат депутаттары жобаны қарағаннан кейін, оның нақты ережелері бекітілуі мүмкін.
Өзге де жаңалықтарды оқу үшін Telegram арнамызға жазылыңыз!