Фото: gov.kz
Батыс Қазақстан облысында мемлекеттік қызмет жүйесіне тиімділікті, ашықтықты және мемлекеттік сектордағы жұмыстың тартымдылығын арттыруға бағытталған жаңа тәсілдер белсенді түрде енгізілуде, деп хабарлайды Massaget.kz.
Ерекше назар аймақтық кадрлық резервке, жастарды қолдауға, конкурс рәсімдерінің пилоттық форматтарын енгізуге және мемлекеттік қызметшілер мен қызмет алушылардың құқықтарын қорғауға аударылуда.
Аймақтық кадрлық резерв: болашақ көшбасшыларды даярлау
Кадр саясаты саласындағы негізгі бастамалардың бірі Мемлекет басшысының аймақтық кадрлық резервті құру жөніндегі тапсырмасын жүзеге асыру болды.
Жобаның негізгі мақсаты – аймақтардың дамуына жас талантты басқарушыларды тарту арқылы аймақтық пулды қалыптастыру.
Үміткерлер кәсіби дағдыларын, көшбасшылық қасиеттерін және аналитикалық қабілеттерін бағалауды қамтитын көп деңгейлі іріктеу жүйесінен өтті. Іріктелген 30 азамат екі жыл бойы кадрлық резервте болады.
Жастарды қолдау: болашаққа инвестиция.
Жастарды қолдау Батыс Қазақстан облысының даму стратегиясының маңызды бөлігі болып табылады. Жас мамандарды мемлекеттік қызметке тарту және мемлекеттік қызметтің тартымдылығын арттыру мақсатында мемлекеттік грант бойынша үздік дипломмен бітірген түлектерді ауылдық және аудандық деңгейдегі төменгі мемлекеттік лауазымдарға конкурссыз тағайындау мүмкіндігі енгізілді.
«Бұл механизм бізге ең талантты және келешегі зор жас мамандарды мемлекеттік қызметке тартуға көмектеседі деп сенеміз. Сондай-ақ бұл түлектерге мемлекеттік органдарда мансабын бірден бастауға мүмкіндік береді, бұл олардың кәсіби дамуына және елдің және аймақтардың кадрлық әлеуетін нығайтуға ықпал етеді», – деп атап өтті Мемлекеттік қызмет істері агенттігінің Батыс Қазақстан облысы бойынша департаментінің басшысы Мұрат Байсалов.
Атап өту керек, аймақта бұл мүмкіндікті 31 жоғары оқу орнының түлегі пайдаланды, оның ішінде биылғы жылы 22 түлек лауазымдарға тағайындалды.
Конкурс рәсімдерінің пилоттық форматы: ашықтық пен тиімділікке қадам.
Батыс Қазақстан облысында мемлекеттік органдардағы лауазымдарға орналасу үшін жаңа конкурс рәсімдерін енгізудің пилоттық жобасы жүзеге асырылуда. Бұл формат кандидаттарды іріктеу кезінде барынша ашықтық пен объективтілікті қамтамасыз етуге, сондай-ақ барлық қатысушыларға тең мүмкіндіктер жасауға бағытталған.
Жаңа тәсіл заманауи технологиялар мен бағалау әдістерін, соның ішінде онлайн-тестілеу мен бейне сұхбаттарды пайдалануды қарастырады. Мұндай өзгерістер кандидаттарды іріктеу кезіндегі субъективті факторларды барынша азайтуға және олардың кәсіби және жеке қасиеттеріне баса назар аударуға мүмкіндік береді.
Мемлекеттік қызметшілер мен қызмет алушылардың құқықтарын қорғау.
Мемлекеттік қызмет істері агенттігі Батыс Қазақстан облысы бойынша департаментінің басым бағыттарының бірі мемлекеттік қызметшілер мен қызмет алушылардың құқықтарын қорғау болып табылады.
Мемлекеттік органдардың жауапкершілігін және есептілігін арттыруға, сондай-ақ мемлекеттік қызметшілердің этикалық нормаларын бұзудың алдын алуға бағытталған тетіктер енгізілді.
Өз кезегінде, қызмет алушылармен кері байланыс орнатылып, бұл шағымдар мен ұсыныстарға жедел әрекет етуге, қызмет көрсету сапасын жақсартуға және мемлекеттік аппаратқа деген сенімді арттыруға мүмкіндік береді.
Биылғы жылы 17 қызмет алушы мен 25 мемлекеттік қызметшінің құқықтары қорғалып, олардың жұмыс істеуі мен кәсіби тиімділігін арттыруға қолайлы жағдайлар жасалды.
Өзге де жаңалықтарды оқу үшін Telegram арнамызға жазылыңыз!