Жануарларға жауапкершілікпен қарауды қалыптастыруға бағытталған «Birgemiz: Ayala» жалпыұлттық жобасы табысты нәтижелерін беруде.
Жобаны 2022 жылдан бастап «Green Help» ҚБ жүзеге асырды. Жоба аясында түрлі бағыттағы іс-шаралар, акциялар, байқаулар мен оқыту бағдарламалары өткізілді. Сонымен қатар әр жылдары 30 волонтер мен волонтерлік ұйымдарға шағын гранттар табысталып, жобалары сәтті жүзеге асырылды.
Іс-шараларды іске асыру барысында Қазақстанның барлық қалаларында баспаналарға жорықтар ұйымдастыру және оларға волонтерлар тарапынан түрлі көмек пен қолдау көрсету, сондай-ақ жануарға арналған жаңа үй мен отбасын іздеуге көмек көрсетілді.
2022 жылдан бастап «Birgemiz: Ayala» жалпыұлттық жобасының қатарына 6 мыңға жуық волонтер топтасып, Қазақстандағы волонтерлық саланың дамуына үлестерін қосуда.
Жобаны іске асыруға Айтым Жакупов, Марина Бейсехан, Перизат Мырзахмет, Динара Сәтжан секілді бірнеше қоғам белсенділері мен танымал блогерлер де тартылды.
Өзге де жаңалықтарды оқу үшін Telegram арнамызға жазылыңыз!