KAZINFORM – Бүгін түнде Бельгия және басқа да елдердің тұрғындары сағаттарын бір сағат алға жылжытты, деп хабарлайды Kazinform агенттігінің меншікті тілшісі.
Орталық Еуропа уақыты (CET) мен Орталық Еуропа жазғы уақытына (CEST) ауысу нәтижесінде бүгінгі күн (30 наурыз) 24 сағаттың орнына 23 сағатқа ғана созылды.
Бельгияда наурыз айының соңында жазғы уақытқа көшу жүйесі 1977 жылы енгізілген. Бұл 1974 жылғы мұнай дағдарысынан кейін орын алған және оның негізгі мақсаты – энергияны үнемдеу болды.
Көптеген бельгиялық жазғы уақытты ұнатады, өйткені ұзақ уақыт бойы жарық болады. Алайда сағат ауыстыруға қарсылық білдіретіндер әрдайым болған.
Олардың айтуынша, жазғы уақыт энергия тұтынуды азайтпайды. Сонымен қатар, жолаушылар таңертеңгі қарбалас уақытта қараңғыда жұмысқа барады, ал кешке – қатты ыстықта үйлеріне қайтады. Сондай-ақ, қарсы тарап жазғы уақыт адамның биологиялық ырғағын бұзады деп есептейді.
Дегенмен, Бельгия мен басқа да ЕО елдерінің үкіметтері жазғы уақытқа көшуді тоқтату мәселесін қарастырмайды.
Сағатты ауыстырғаннан кейін Брюссель мен Астана арасындағы уақыт айырмашылығы үш сағатқа қысқарды.
Бұған дейін Қазақстан Үкіметінің өкілдері сағатты ауыстыру елдің энергетика саласына айтарлықтай әсер етпегенін мәлімдеген.
Өзге де жаңалықтарды оқу үшін Telegram арнамызға жазылыңыз!